Саха сиринээҕи Гидрометеорологияҕа уонна тулалыыр эйгэни кэтээн көрүүгэ управлениетын дааннайынан, кулун тутар 29 күнүгэр тоҕус улууска силлиэ сөкүүндэҕэ 15–20 м. диэри күүһүрэрэ күүтүллэр.
Халлан туруга Өлөөн, Мииринэй, Сунтаар, Ньурба, Үөһээ Бүлүү, Бүлүү, Ленскэй, Эдьигээн уонна Кэбээйи улуустарыгар мөлтүүрэ сабаҕаланар.
Бу улуустар олохтоохторун уонна ыалдьыттарын сэрэхтээх буоларга ыҥыраллар: эргэрбит тутуулартан, угуйук ыйанар щиттарыттан уонна уот лииньийэлэриттэн (ЛЭП) тэйиччи сылдьыҥ, ону тэҥэ массыынаны ыытарга болҕомтолоох буолуҥ.
Дьокуускай куоракка сөҥүүтэ суох буолуоҕа. Тыала соҕуруулуу-арҕааттан сөкүүндэҕэ 3–8 м. түргэннээх. Түүнүн салгын температурата –11…–13 °С, оттон күнүс +3…+5 °С сылыйыа.