«Россия сегодня» норуоттар икки ардыларынааҕы мультимедийнай пресс-кииҥҥэ В.К. Арсеньев аатынан «Уһук Илин» Бүтүн Арассыыйатааҕы литературнай бириэмийэ ахсыс сезонун сүрэхтэниитэ буолан ааста. Кыттааччылар бырайыак сайдыытын, эрэгийиэн оруолун уонна саҥа сүрүн хайысханы дьүүллэстилэр.
В.К. Арсеньев аатынан «Уһук Илин» Бүтүн Арассыыйатааҕы литературнай бириэмийэ ахсыс сезонун сайаапка хампаанньата бу сыл олунньу 1 күнүгэр саҕаламмыта уонна бэс ыйын 30 күнүгэр диэри барыаҕа.
Куонкурус үгэс быһыытынан үс номинацияҕа ыытыллар: «Уһун проза», «Кылгас проза» уонна «Оҕолорго аналлаах проза». Бириэмийэҕэ официальнай саайтка баар балаһыанньаҕа олоҕуран, Арассыыйа да, омук сиригэр да олорор ааптардар, Арассыыйа Уһук Илин ааспыт, билиҥҥи эбэтэр инники кэскилигэр анаммыт нуучча тылынан уус-уран уонна документальнай айымньылары айааччылар кыттыахтарын сөп. Бириэмийэни тэрийээччинэн «Социальнай көҕүлээһиннэри сайыннарыы пуондата» кэмиэрчэскэйэ суох тэрилтэ буолар.
Бириэмийэ тэрийэр кэмитиэтин бэрэссэдээтэлэ, Уһук Илин уокуругун боломуочуйалаах бэрэстэбиитэлин солбуйааччы Григорий Куранов пресс-кэмпэриэнсийэ кэмигэр наҕараада суолтата литературнай түгэн чэрчититтэн тахсарын тоһоҕолоон бэлиэтээтэ. Сиһилии: https://www.sakha.gov.ru/news/43229