Бүгүн Үөһээ Бүлүү улууһун баһылыга Валерий Николаев салайааччылаах дэлэгээссийэ иккис күнүн байыаннай дьайыы сиригэр-уотугар үлэлиир. Ол курдук, ДНӨ соҕуруу өттүгэр баар биир дойдулаах байыастарын кытары көрүстүлэр.
Бастаан утаа «Мороз» уонна «Хоро» диэн позывнойдаах уолаттары көрүстүлэр. «Морозтаах» түөрт буолан көрсүөхтээх эбиттэр да, сатамматах. Төрдүөн бэркэ бойобуой сулууспаны ааһа сылдьабыт диир. «Хоро» позывнойдаах уол миэдик быһыытынан сулууспалыы сылдьарын туһунан кэпсээтэ.
Улуустарыттан кэлбит көмөнү туттараат, салгыы бардыбыт.
Ол тиийэн «Почта», «Ханза» уонна «Шаман» диэн байыастары көрүстүлэр. «Айылгы» диэн позывнойдаах байыас кыайан киирбэтэҕин иһин дойдутуттан кэлбит көмөнү «Почта» диэн биир дойдулааҕынан ыыттылар.