Уһун кэмҥэ арыллыбакка турбут дьыала соһуччу түмүктэннэ. 3,5 сыл анараа өттүгэр Дьокуускай полициятыгар биир таксист сайабылыанньа биэрбит — кини счетуттан 3000 солкуобай сүппүт. Ол саҕана буруйдаах киһини булбатахтара, ол эрээри холуобунай дьыаланы саппатахтара уонна көрдүүр үлэни салгыы ыыта сылдьыбыттара.
Онтон билигин, хас да сыл ааспытын кэннэ, холуобунай сулууспа оперативниктара буруйга уорбаланааччыны — Дьокуускай куорат 30 саастаах олохтооҕо (дьахтар) буоларын быһаардылар.
Силиэстийэ сабаҕалыырынан, дьахтар чааһынан төлөнөр таксины сакаастаабыт. Суоппар массыынаттан тахсарын кэтэһэн баран, түгэнинэн туһанан, кини төлөпүөнүн ылан, бэйэтин электроннай кошелегар харчыны ыыттарбыт.
Бу дьахтар урут наркотикка сыһыаннаах буруйу оҥорууга уонна төлөбүр сириэстибэлэринэн сокуоннайа суох дьайыыларга эриллэ сылдьыбыта билиннэ. Билигин силиэстийэ салҕанар. Оперативниктар бэлиэтииллэринэн, маннык «урукку» дьыалалар син биир үлэҕэ хаалаллар уонна хас да сыл буолан баран арыллыахтарын сөп диэн Саха сиринээҕи ИДьМ пресс-сулууспата иһитиннэрэр.