Үөһээ Бүлүү улууһун Харбалаах нэһилиэгэр VI-төгүлүн ыытыллыбыт «БАСХАН – 2026» өрөспүүбүлүкэтээҕи дьыалабыай оонньуута бэйэтин чаҕылхай түмүгүн таһаарда.
Икки күн устата Саха сирин бастыҥтан бастыҥ, лиидэр уолаттара «Удьуор утум», «Өркөн өй», «Дойду салайааччыта», «Мөккүөр» уонна «Айыы умсулҕана» курдук ыарахан, ол эрэн олус дириҥ ис хоһоонноох түһүмэхтэри аастылар.
Басхан-2026 кыайыылаахтара:
• КЫЛААН КЫАЙЫЫЛААХ — Никонов Айхал Иванович (өрөспүүбүлүкэтээҕи лиссиэй-интэринээт, Дьокуускай к.).
• I ҮРДЭЛ — Семенов Тимур Павлович (Харбалаах орто оскуолата, Үөһээ Бүлүү улууһа).
• II ҮРДЭЛ — Луковцев Богдан Иннокентьевич (В.В. Филиппов аатынан гимназия, Горнай улууһа).
• III ҮРДЭЛ — Михайлов Андрей Павлович (С.К. Макаров аатынан гимназия, Чурапчы улууһа).
Бу күрэххэ кыттыбыт хас биирдии уол — бэйэтин улууһун киэн туттар ыччата, кэлэр кэскиллээх салайааччыта. Экспертэр бары кыттааччылар билиилэрин, тобуллаҕас толкуйдарын уонна салайар дьоҕурдарын үрдүктүк сыаналаатылар.
Анал ааттарынан наҕараадаланнылар:
• «Удьуор утума салҕыыр БАСХАН» — Лобанов Эрчим (Мэҥэ Хаҥалас);
• «Сайдам санаа БАСХАНА» — Саввинов Уйгун (Кэбээйи);
• «Өркөн өй БАСХАНА» — Пономарев Арылхан (Чурапчы);
• «Хомоҕой тыл БАСХАНА» — Сергучев Михаил (Сунтаар);
• «Ылыннарыылаах тыл БАСХАНА» — Николаев Андриян (Үөһээ Бүлүү);
• «Элбэҕи эрэннэрэр БАСХАН» — Слепцов Климентий (Ньурба);
• «Кэрэхсэбиллээх БАСХАН» — Матвеев Арчын (Дьокуускай);
• «Тобуллаҕас толкуй БАСХАНА» — Семенов Кэскил (Бүлүү);
• «Кыайыыга дьулуурдаах БАСХАН» — Дорофеев Мирослав (Ньурба);
• «Киэҥ көрүүлээх БАСХАН» — Горохов Айаан (Сунтаар);
• «Кэскиллээх кыттааччы» — Руфов Юлиан (Үөһээ Бүлүү).
Бастыҥ-мааны уолаттарбытыгар эҕэрдэ мааныта! Бары кыайыылаахтарбытыгар уонна кыттааччыларбытыгар барҕа махталбытын тиэрдэбит! Эһиги — Саха сирин кэлэр кэскилэ, дьиҥнээх эр бэртэрэ буолаҕыт.
«БАСХАН» оонньуу алгыстаах суола салҕана турдун, саха саарыннара үүнэн-тахсан, Аҕа дойдубут сайдыытыгар үтүө үлэлэрин туһаайдыннар!
Уруй-Айхал эдэр Басханнарга!
Галина Васильева
T.me/admvervil