Байыаннай дьайыы 4,5 тыһыынча кыттыылааҕа мэдиссиинэ көмөтүн ылла.
Өрөспүүбүлүкэҕэ 4 552 байыаннай дьайыы кыттыылаахтарыгар мэдиссиинэ көмөтө оҥоһулунна, итинтэн 1290 – стационарга.
Бу туһунан СӨ доруобуйа харыстабылын министиэристибэтин нэһилиэнньэҕэ мэдиссиинэ көмөтүн оҥорууну тэрийии Департаменын салайар Дьулустан Чичахов иһитиннэрдэ.
— Байыаннай дьайыы 432 кыттыылааҕа реабилитацияны ааста. Медико-психологическай, психотерапевтическай уонна психиатрическай мэдиссиинэ көмөтө 891 киһиэхэ уонна кинилэр чугас дьонноругар — 1211 киһиэхэ оҥоһулунна, — диэн этэр Дьулустан Чичахов.
Кини Саха сирин миэдиктэрэ ДНӨ Докучаевскайга 1500-тэн тахса эпэрээссийэни оҥорбуттарын бэлиэтээтэ.
Сиһилии: https://www.sakha.gov.ru/news/43943
СӨ Ил Дарханын уонна Бырабыыталыстыбатын пресс-сулууспата