Муус устар 27 күнүгэр Айсен Николаевы кытта «Быһа лииньийэ» ыытыллыаҕа. Быһа эпиир трансляцията Саха сирин бириэмэтинэн 19:00 чааска саҕаланыаҕа.
Саха сирин баһылыга дьон-сэргэ интэриэһиргиир ыйытыыларыгар хоруйдуоҕа, өрөспүүбүлүкэҕэ тирээн турар суолталаах тиэмэлэри дьүүллэһиэҕэ, эрэгийиэн сайдыытыгар стратегическай хайысхалар уонна саҥа соруктар тустарынан санаатын этиэҕэ.
Быһа эпиир «Саха» НКИХ, «Якутия 24», «Россия 24» телеханаалларга, «Тэтим» араадьыйаҕа, «Радио России», «Виктория Саха», «СТВ-радио» уонна Айсен Николаев социальнай ситимнэригэр көрдөрүллүөҕэ.
Бэйэҕит ыйытыыларгытын 8(4112)506-006 нүөмэргэ эрийэн этиҥ. Колл-киин сарсыарда 9 чаастан 18 чааска диэри үлэлиир. Итиэннэ телеграмҥа @voprosGlaveYakutii_bot чат-бот нөҥүө эмиэ ыытыахха сөп.
Ону таһынан ыйытыылар суукканы эргиччи СӨ Эрэгийиэни салайар киинин чат-ботунан МАХ @voprosglaveyakutii_bot нөҥүө ылыллаллар.