Муус устар 20 күнүттэн «Биир ньыгыл Арассыыйа» барыллаан куоластааһын быыбардааччыларын регистрациялааһына саҕаланна. Бу аны күһүн буолар быыбарга «Биир ньыгыл Арассыыйа» баартыйаттан хандьыдааттары талыы улахан үлэтин сорҕото буолар.
Барыллаан куоластааһын диэн бүтүн дойду, ол иһигэр Саха сирин олохтоохторо кыттыахтарын сөптөөх аһаҕас баартыйа иһинээҕи бэрээдэк, аны күһүн Судаарыстыбаннай Дуумаҕа быыбарга туруорарга саамай сөптөөх хандьыдааттары быһаарыахтара. Күһүн дойду хас биирдии субъега, ол иһигэр Саха сирэ, олохтоохтор интэриэстэрин федеральнай таһымҥа туруулаһар бэрэстэбиитэллэри – куоластааһын биир мандааттаах уокурукка уонна баартыйа испииһэгинэн хандьыдааттары талыаҕа.
Барыллаан куоластааһын хандьыдааттары туруорууттан саҕаланна. Кулун тутар 11 күнүттэн муус устар 30 күнүгэр диэри баартыйа эрэгийиэннээҕи тэрийэр кэмитиэтигэр эрдэттэн куоластааһыҥҥа кыттар докумуоннарын биэрэллэр, салгыы быыбардааччылар ортолоругар агитация ыыталлар, бырагыраама идеяларын билиһиннэрэллэр.
Муус устар 20 күнүттэн ыам ыйын 29 күнүгэр диэри быыбардааччылар регистрациялара аһылынна – бу кэмҥэ хас биирдии киһи pg.er.ru саайтка регистрацияланыан сөп итиэннэ ити курдук сөбүлээбит хандьыдааттары талар кыахтаныа. Барыллаан электроннай куоластааһын ыам ыйын 25-31 күннэригэр ыытыллыаҕа, ол кэмҥэ олохтоохтор кэлэр быыбарга интэриэстэрин көмүскүүргэ эрэнэр хандьыдааттары талыахтара.
Быыбардааччыларга регистрация процедурата судургу уонна тиийимтиэ буолла. Кыттарга «Биир ньыгыл Арассыыйа» баартыйа барыллаан куоластааһынын официальнай саайтыгар киириэххэ наада – pg.er.ru, «Госуслуги» портал нөҥүө «авторизоваться» диэни баттыыгын, ол кэннэ бэйэ дааннайын «подтвердить» диэни баттаан бигэргэтэҕин. Электроннай барыллаан куоластааһыҥҥа Арассыыйа хас биирдии олохтооҕо хандьыдааттары кытта билсэн, чахчы итэҕэйэр киһитигэр куолаһы биэриэн сөп. Саха сиригэр номнуо 8 хандьыдаат регистрацияламмыт.
Эрдэттэн куоластааһын – эрэгийиэн олохтоохторо быыбарга бу баартыйаттан кинилэр интэриэстэрин ким көмүскүүрүн талан ылар мэхэньиисимнэрэ. Онуоха аныгы сыыппара технологиялара, блокчейны киллэрэн туран, быыбар куттала суох, дьэҥкир буолуутун уонна дааннайдары харыстааһыны үрдүк таһымнаахтык хааччыйаллар, ону тэҥэ түмүктэр кырдьыктаах буолууларын мэктиэлииллэр.