Байыаннай дьайыыга бааһырбыт холуобунай систиэмэ (УИС) үлэһиттэрэ фронтан кэлэн баран салгыы үлэлииллэрин көҥүллүүр сокуон Бэдэрээссийэ Сэбиэтин 598-с мунньаҕар бигэргэтилиннэ.
Сенатордар уонна дьокутааттар бэлэмнээбит докумуоннара накаастабылы толорор систиэмэҕэ сулууспалыыр бэрээдэги уларытар:
- Бааһырыы кэнниттэн үлэҕэ төннүү. Урут бааһырбыт үлэһиттэри мэдиссиинэ хамыыһыйата үлэлииллэрин бобор эбит буоллаҕына, саҥа сокуонунан байыаннай дьайыыга эбэтэр атын ураты быһыыга-майгыга бааһырбыт эбэтэр эчэйбит үлэһиттэр салгыы сулууспалыыр кыахтаналлар. Кинилэргэ доруобуйаларын туругун учуоттаан анал дуоһунас бэриллиэҕэ.
- Сааһынан хааччаҕы устуу. УИС-ка аан бастаан үлэҕэ киирээччилэргэ сааһынан хааччах уһулунна (билигин 40 сааһынан муҥурданар). Саҥа сокуон олоххо киирдэҕинэ, 40-тан тахса саастаах дьон эмиэ үлэҕэ киирэр кыахтаныахтара.
- Кылгас болдьохтоох дуогабардар. Ураты сорудахтары толорорго биир сылга диэри кылгас болдьохтоох хантараактары түһэрсэр кыах үөскүүр.
- Ураты кэмҥэ сулууспа. Байыаннай балаһыанньа, байыаннай дьайыы кэмигэр, айылҕа алдьархайын туоратыыга эбэтэр уопсастыбаннай бэрээдэги кэһиини тохтотууга УИС үлэһиттэрин сөбүлэҥэ суох: үлэлиир кэмнэрин уларытыахтарын, эбии эбээһинэстэри сүктэриэхтэрин, атын сиргэ командировкаҕа ыытыахтарын эбэтэр быстах кэмҥэ атын салааҕа көһөрүөхтэрин сөп.