Арассыыйа биэс төгүллээх, Европа икки төгүллээх чөмпүйүөнэ, Аан дойду чөмпүйэнээтин үрүҥ көмүс призера, боксаҕа Арассыыйа үтүөлээх успуорт маастара Василий Егоров «Биир ньыгыл Арассыыйа» баартыйа барыллаан куоластааһыныгар кыттар туһунан докумуоннарын туттарда.
«»Биир ньыгыл Арассыыйа» — бу эппиэтинэһи бэйэтигэр ылынар, дьон туһугар уонна олохпутун тупсарар туһугар үлэлиир улахан бэлиитикэ күүһэ буолар. Төрөөбүт Сахам сирэ сайдарын, биир дойдулаахтарым интэриэстэрин көмүскүүр уонна кыһалҕалары быһаарар туһугар бары күүспүн-уохпун уурарга бэлэммин», — диэн бэлиэтээтэ Василий Егоров.
«Биир ньыгыл Арассыыйа» баартыйа барыдлаан куоластааһын хандьыдааттарын испииһэгин оҥорууну салгыыр. Маны сэргэ быыбардааччылары бэлиэтээһин эмиэ ыытыллар. Кэлэр быыбарга баартыйа аатыттан хайа хандьыдаат туруорулларын чуолаан дьон-сэргэ санаата быһаарыаҕа. Бу туһунан «Биир ньыгыл Арассыыйа» баартыйа Саха сиринээҕи салаатын пресс-сулууспата иһитиннэрдэ.