Социальнай пуонда ыам ыйынааҕы бырааһынньыктар иннилэринэ оҕо босуобуйаларын уонна биэнсийэлэри болдьоҕун иннинэ ыытыаҕа. Бу туһунан муус устар 23 күнүгэр Соцпуонда пресс-сулууспата иһитиннэрдэ.
Дьэи кэргэттэр ыам ыйын 3 күнүгэр диэри төлөнүөхтээх босуобуйалары барытын муус устар 29–30 күннэригэр ылыахтара. Ол иһигэр киирэллэр:
- 17-гэр диэри саастаах оҕолорго уонна хат дьахталларга биир кэлим босуобуйа (единое пособие);
- үлэлээбэт төрөппүттэргэ оҕо 1,5 сааһын туолуор диэри көрөр-истэр ыйдааҕы босуобуйа;
- сулууспалыы сылдьар байыаннайдар оҕолоругар босуобуйа.
Биэнсийэлээхтэр эмиэ ыам ыйын күүтүөхтэрэ суоҕа. Ый аайы 1-тэн 4-с күнүгэр диэри баанынан биэнсийэ ылар дьоҥҥо, ыам ыйынааҕы биэнсийэни муус устар 30 күнүгэр диэри түһэриэхтэрэ. Бу эрдэ төлөөһүн страховой, социальнай, мунньуллар биэнсийэлэргэ, ону тэҥэ сааһынан уонна инбэлииттэринэн биэнсийэлэргэ сыһыаннаах.