“ВОИН” киин Уһук Илиннээҕи филиаллара оптическай прицеллаах пневматическай бинтиэпкэнэн ытыыга сүүмэрдиир күрэхтэһиилэри тэрийэр. Турнирдар Саха сиригэр, Бурятияҕа, Камчатка уонна Хабаровскай кыраайдарыгар, Сахалин уобалаһыгар ыытылыннылар.
Бу хайысхаҕа курсааннары үөрэтии 2025 сыллаахха “ВОИН” кииҥҥэ Бырабыыталыстыба Бэрэссэдээтэлин солбуйааччы – РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ, “ВОИН” киин Кэтээн көрөр сэбиэтин бэрэссэдээтэлэ Юрий Трутнев көҕүлээһининэн Арассыыйа Бойобуой снайпиҥҥа федерациятын Арассыыйа Дьоруойа Ярослав Якубов салайааччылаах саҕаламмыта.
Тэрийээччилэр чахчыларынан, сүүмэрдиир күрэхтэһиилэргэ 17 филиалтан 231 курсаан кытынна. Кинилэр бары “Снайпинг” хайысхаҕа үөрэнэ сылдьаллар эбэтэр хайы-үйэ үөрэммиттэр. Ытааччылар үстүү эрчиллиини толордулар: “Точка”, “Поиск цели” уонна “ГТО”.
Саха сиригэр сүүмэрдиир күрэхтэһиилэр Дьокуускайга Новопашин аатынан 10 №-дээх орто оскуолаҕа буолан аастылар. Манна “ВОИН” Киин инструктор-методистара Надежда Семенова уонна Геннадий Семенов үөрэтэллэр.
“10 №-дээх оскуолаҕа 50 миэтэрэ тэйиччиттэн пневматическай бинтиэпкэнэн ытыыга тиир үлэлиир. Биһиги ис уонна тас баллистика, тыалы таба туһаныы, кыҥааһыны кытта үлэ туһунан туһунан билиини биэрэбит”, — диэтэ оҕолор настаабынньыктара Надежда Семенова.
Саха сиригэр бастыҥ ытааччыларынан Анастасия Горкунова, Софья Бурмакина уонна Ярослав Линник ааттаннылар.
Бастыҥ курсант-снайпердар В.Н.Шаповалов чиэһигэр ыраах дистанцияҕа Армейскай ытыыга Оборуона миниистирин солбуйааччы Куубагар “ВОИН” Киин чиэһин көмүскүөхтэрэ.