Алта оскуола выпускнига литератураҕа, химияҕа уонна устуоруйаҕа Биир кэлим эксээмэҥҥэ (БКЭ) саамай үрдүк түмүгү көрдөрдө диэн СӨ Ил Дархана Айсен Николаев бэйэтин МАХ-ханаалыгар иһитиннэрдэ.
Чурапчытааҕы гимназия выпускнига Ньургуйаана Егорова литератураҕа 100 баалы ылан үөртэ.
Оттон химияҕа саамай үрдүк түмүгү Мииринэй оройуонун 26 №-дээх орто оскуолатыттан Ринчин Бальжиев, Өрөспүүбүлүкэтээҕи лиссиэй-интэринээттэн Сергей Егоров уонна Ньургун Жирков, ону тэҥэ Арктикатааҕы оскуолаттан Серафима Тен ситистилэр.
Устуоруйаҕа 100 баалы эмиэ Арктикатааҕы оскуола выпускнига Алтын Егоров ылла.
Саха сирин Ил Дархана БКЭ-ҕэ 100 баалы ситиспит оскуоланы выпускниктарга 100 тыһыынча солкуобай кээмэйдээх биир кэмнээх төлөбүр бэриллэрин санатта.