Томпо улууһун Кириэс Халдьаайы сэлиэнньэтигэр байыаннай дьайыы кыттыылааҕа Василий Александрович Сыромятников сырдык кэриэһигэр анаммыт мемориальнай дуосканы үөрүүлээх быһыыга-майгыга арыйдылар. Тэрээһиҥҥэ байыаннай дьайыы бэтэрээннэрэ, биир идэлээхтэрэ уонна хорсун буойун чугас дьоно кытыннылар. Бу туһунан «Защитники Отечества» пуонда Саха сиринээҕи филиала иһитиннэрэр.
2022 сыл балаҕан ыйыгар мобилизация иннинэ Василий Сыромятников улуус дьаһалтатыгар үлэлээбитэ. 2024 сыл балаҕан ыйыгар Василий Аҕа дойдутун иһин дьоруойдуу тыына быстыбыта. Хорсун быһыытын иһин кини «Хорсун быһыы» уордьанынан уонна «Хорсунун иһин» мэтээлинэн наҕараадаламмыта.
«Защитники Отечества» пуонда филиалын телеграм-ханаалыгар иһитиннэрбиттэринэн, мемориальнай дуосканы арыйыы үөрүүлээх тэрээһинигэр улуус баһылыга, байыаннай дьайыы бэтэрээнэ Яков Степанов тыл эттэ. Василий Сыромятников туһунан истиҥ тыллары кини чугас дьоно, анаан-минээн Дьокуускайтан кэлбиттэр, ону тэҥэ Кириэс Халдьаайы оскуолатыгар үөрэппит кылааһын салайааччыта эттилэр.
Тэрээһин түмүгэр Аҕа дойду көмүскээччитин ийэтиттэн, Татьяна Николаевнаттан, уола ситэ ылбатах наҕараадата — «Байыаннай дьайыы кыттыылааҕа» мэтээл туттарылынна. Дьоруой ийэтэ «Защитники Отечества» пуонда филиалыгар, тэрийээччилэргэ уонна социальнай координаторга, ону тэҥэ уолун сырдык аата үйэлэргэ умнуллубатыгар кылааттарын иһин бар дьоҥҥо махтанна,