Куурусса 4 буутун, эбэтэр сибиинньэ ойоҕоһун ууга буһараҕыт, төбүрэҕин баһаҕыт.
Чеснок өлүүскэтин, луугу аҥаардаан кутаҕыт, 30-40 мүнүүтэ оргутаҕыт. 4-5 орто хортуосканы кырбаан кутаҕыт. Этин хостоон, кырбаан, уҥуоҕун ылан баран, төттөрү мииҥҥэ кутаҕыт. 1 моркуобу, луугу арыыга ыһаарылаан баран, лавр сэбирдэҕин кытары мииҥҥэ кутаҕыт.
200 гр. кииһилэни кырбыыгыт. Ытырыык от саҥа үүммүт сэбирдэхтэрин оргуйа турар уунан саба кутан баран, кырбыыгыт. Хортуоска буспутун кэннэ, бүтэһигэр бу күөх оттору эбэҕит. 1-2 мүнүүтэ оргута түһэн баран, уотун арааран, хаппахтаан, 10-20 мүнүүтэ туруора түһэҕит. Тэриэлкэҕэ кутарга буспут сымыытынан, сүөгэйинэн, укробунан киэргэтиэххэ сөп.
Ангелина Васильева, «Саха сирэ» хаһыат архыыбыттан