Бүгүн, атырдьах ыйын 18 күнүгэр, Томпо улууһугар суол быһылаана тахсан, биир киһи тыына быстыбыт.
ИДьМ Томпо улууһунааҕы отделын дьуһуурунай чааһыгар «Нежданинскай» массыына суолун 28-с км саахал тахсыбытын туһунан иһитиннэрии киирбит. Барыллаан чахчыларынан, атырдьах ыйын 18 күнүн түүнүн 2 чаас 30 мүнүүтэ саҕана, 1969 с.т. суоппар «КАМАЗ 4208» таһаҕас тиэйэр массыынанан Тёплый Ключ бөһүөлэктэн «Нежданинскай» хайа-байытар кэмбинээтин диэки айаннаан испит.
Саахал тахсыбыт төрүөтүнэн айылҕа күнүн-дьылын туругун уларыйыыта буолбут. Кэнники күннэргэ түспүт күүстээх ардахтан уонна уу таһыма үрдээһиниттэн «Халыма» — «Нежданинскай» суол 577-с км суол ууга суураллан, улаханнык алдьаммыт. Айаннаан иһэр суоппар түүн хараҥаҕа суол алдьаммытын көрбөтөх уонна массыынатынан суол суураллыбыт сиригэр түспүт.
Саахал түмүгэр 56 саастаах суоппар олус улаханнык эчэйэн, быһылаан тахсыбыт сиригэр тута тыына быстыбыт.
Билиҥҥи кэмҥэ тахсыбыт быһылаан чахчытынан бэрэбиэркэ ыытыллар бу туһунан ГАИ пресс-сулууспата иһитиннэрэр.