Психологтар түргэнник утутар өссө биир ньыма баарын эттилэр: биир категориялаах тыллары алпаабыт буукубатынан булан иһиэххэ наада.
Холобур: арбуз, бекон, виноград… Алпаабыт бүтүөр диэри эбэтэр утуйуоххар диэри салҕаан иһэҕин. Уустук буукубалары көтүтэҕин. Мэйии маннык биир туоннаах уустуга суох сорудаҕы толорон, күнүскү түбүктэн сынньанар, дьиксинэр санаалартан аралдьыйар, уоскуйан утуйарга бэлэм буолар.
Бу ньыманы 1989 с. Канада учуонайа Люк Бодуан “когнитивнай булкуйуу” диэн ааттаан айбыта.