Запорожскай уобаластааҕы суутун пресс-сулууспата иһитиннэрэринэн, Бердянскай куорат биэнсийэлээҕэ Украина сэбилэниилээх күүстэрин туһатыгар үс тыһыынчаттан кыратык ордук солкуобайы ыыппытын иһин 14 сылга холуонньаҕа хаайылынна.
Суут дааннайынан, 1952 сыллаахха төрөөбүт, Арассыыйа гражданствотын ылбыт Бердянскай куорат олохтооҕо ВСУ-га 1,5 тыһыынча гривнаны ыыппыт. Бу харчы 3 383 Арассыыйа солкуобайыгар тэҥнэһэр.
«Суут кинини холуобунай дьыалаҕа буруйдааҕынан билиннэ уонна 14 сылга уопсай эрэсиимнээх холуонньаҕа көҥүлүн быһарга уураахтаата», — диэн официальнай иһитиннэриигэ этиллэр.
Бириигэбэр Арассыыйа Холуобунай кодексатын «Судаарыстыбаны туттарааһын»ыстатыйатынан таҕыста.