Арассыыйа Силиэстийэлиир кэмитиэтин Саха Өрөспүүбүлүкэтинээҕи управлениетын Алдан оройуонунааҕы силиэстийэлиир отдела 55 саастаах эр киһиэхэ, РФ Холуобунай кодексатын 111-с ыст. 4-с чааһынан көрүллэр буруйу (соруйан доруобуйаҕа ыарахан буортуну) оҥорбутунан тэриллибит холуобунай дьыаланы силиэстийэлиир.
Силиэстийэ кэмигэр быһаарыллыбытынан, 2026 сыл атырдьах ыйын 24 күнүгэр уорбаланааччы итирик туруктаах сылдьан, эмсэҕэлээччини кытта арыгылаан баран, кыра да төрүөттэн сылтаан кинини кытта иирсибит. Эмискэ тахсыбыт этиһии кэмигэр уорбаланааччы эмсэҕэлээччи сирэйигэр сутуругунан уонна илиитинэн охсуолаабыт, ол кэнниттэн сиргэ илгибит.
Ылбыт эт-хаан эчэйиититтэн эмсэҕэлээччи миэстэтигэр тыына быстыбыт.
Силиэдэбэтэл суукка уорбаланааччыны хаайарга көрдөһүү түһэрбит, ону суут ылыммыт.