Саха сиригэр өрөспүүбүлүкэ баһылыга Айсен Николаев көҕүлээбит «Сетевой учитель» бырайыагар кыттааччы 50 оскуолаҕа тиийдэ. Бу саҥалыы көрүүлээх модель ыраах улуустарга каадыр тиийбэт кыһалҕатын быһаарарга көмөлөстө уонна үөрэх хаачыстыбата биллэ тупсубутун көрдөрөр: 2025 сыл түмүгүнэн өрөспүүбүлүкэ Арассыыйаҕа судаарыстыбаннай түмүктүүр аттестация көрдөрүүлэрин рейтинигэр 47 миэстэнэн үөһэ таҕыста.
«Сетевой учитель» бырайыагы олоххо киллэрии уонна оскуолалары өйүүр комплекснай үлэ дойду Бэрэсидьиэнэ Владимир Путин көҕүлээбит «Ыччат уонна оҕолор» национальнай бырайыак иһинэн, ону тэҥэ «Биир ньыгыл Арассыыйа» норуот бырагырааматын «Саҥа оскуола» федеральнай бырайыагын чэрчитинэн ыытыллар.
«Сетевой учитель» бырайыак көмөтүнэн өрөспүүбүлүкэ ыраах уонна аҕыйах үөрэнээччилээх оскуолаларыгар, физика, химия, биология учууталлара суох сирдэригэр, үөрэнээччилэр ыраахтан олорон хаачыстыбалаах билиини ылалларыгар кыах бэрилиннэ. Бу Саха сиригэр үөрэхтээһин сайдыытыгар улахан хардыы», — диэн Саха сирин олохтооҕо Татьяна Парфенова бэлиэтээтэ.
«Сетевой учитель» бырайыак Саха сиригэр естественнай-научнай хайысха учууталларын (физика, биология, химия) каадыр тиийбэт кыһалҕатын быһаарарга туһуламмыт инновационнай үөрэх моделын быһыытынан олоххо киирэр. Бырайыак сыала-соруга – дистанционнай үөрэх технологияларын уонна ситимнээх бииргэ үлэлээһин көрүҥүн туһанан хаачыстыбалаах үөрэҕинэн хааччыйыы.
Санатар буоллахха, 2025 сыллааҕы судаарыстыбаннай түмүктүүр аттестация көрдөрүүлэрин ырытыы түмүгүнэн, өрөспүүбүлүкэ Арассыыйа эрэгийиэннэрин ортолоругар 21-с миэстэни ылла, икки сыл иһигэр 68-с миэстэттэн (2023 с.) үөһэ тахсан, 2024 сылга 39-с миэстэҕэ, оттон 2025 сылга 21-с миэстэҕэ тиийдэ.
Сиһилии: https://www.sakha.gov.ru/news/61356