Саҥа үөрэх дьылыгар Дьокуускай куоракка икки былаһааккаҕа дьарыктар саҕаланнылар. М. Е. Николаев аатынан 40-с нүөмэрдээх оскуолаҕа «Бастакы көмө уонна тактическай мэдиссиинэ» 3-с, 4-с таһымнарын, ону тэҥэ «Пилота суох көтөр систиэмэлэри туһаныы» 1-кы таһымын бырагыраамалара үлэлээтилэр.
С. Ф. Гоголев аатынан Дьокуускайдааҕы педагогическай кэллиэскэ эмиэ «Пилота суох көтөр системаны туһаныы» 1-кы таһымнаах бырагыраама саҕаланна.
Оскуолаҕа үөрэнии алтынньы 26 күнүгэр диэри, оттон кэллиэскэ — алтынньы 5 күнүгэр диэри ыытыллыаҕа.
«Сыл бүтүөр диэри үөрэх былаана бигэргэннэ, билигин кэлэр үөрэх дьылыгар былаан оҥоһулла сылдьар», — диэн филиал үөрэх чааһыгар отделын салайааччыта Лена Игнатьева бэлиэтээн эттэ.
«ВОИН» кииҥҥэ үөрэтии аҕыс хайысханан ыытыллар: «Пилота суох көтөр систиэмэлэри туһаныы», «Уотунан ытыыга бэлэмнэнии», «Тактическай бэлэмнэнии», «Бастакы көмө уонна тактическай мэдиссиинэ», «Инженернэй бэлэмнэниини» уонна да атыттар.
