Балаҕан ыйын 3 күнүгэр «ИнформУИК» бырайыак чэрчитинэн Дьокуускай куорат уокуруктааҕы дьаһалтатын Култуура уонна духуобунай сайдыы управлениетын үлэһиттэрин кытта иһитиннэрэр көрсүһүү буолан ааста диэн СӨ Киин быыбардыыр хамыыһыйата иһитиннэрэр.
Бу эйгэ бэрэстэбиитэллэрэ күн аайы куорат эйгэтин сайыннарыыга — өрөспүүбүлүкэ киинин култуурунай ландшафтарын олоххо киллэриигэ, духуобунай үгэстэри өйөөһүҥҥэ уонна олохтоохтор айар-тутар сайдыыларыгар усулуобуйалары тэрийиигэ бэйэлэрин кылааттарын киллэрэллэр.
Дьокуускай куорат территориятааҕы быыбардыыр хамыыһыйатын бэрэссэдээтэлэ Сардана Алексеева буолаары турар быыбардар, куоластааһын болдьохторун уонна ньымаларын, ол иһигэр «Мобильнай быыбардааччы» мэхэньиисим туһунан кэпсээтэ.
Көрсүһүү кыттыылаахтара интэриэһиргиир ыйытыктарыгар хоруйдары ыллылар — быыбардааччылары испииһэккэ киллэрии дьиксиннэрэр түгэннэриттэн саҕалаан, быыбар күннэригэр учаастактааҕы хамыыһыйалар үлэлэрин уратыларыгар тиийэ кэпсэттилэр.
