Ньурба оройуонугар дьахтар билэр киһититтэн 300 тыһыынча солкуобайы уорбут. Эр киһи харчытын матараас анныгар ууруна сылдьыбыт.
Арассыыйа Ис дьыалаҕа министиэристибэтин Ньурбатааҕы салаатын оперативниктара, урут сууттана сылдьыбыт 40 саастаах дьахтар эр киһпттэн 300 тыһыынча солкуобайын уорууга сыһыаннааҕын быһаарбыттар.
Полиция үлэһиттэрэ быһаарбыттарынан, дьахтар билэр киһитигэр ыалдьыттыы сылдьан, хаһаайын харчытын матараас анныгар кистиирин бэлиэтии көрбүт. Эр киһи дьиэтиттэн тахсан барбытын туһанан, дьахтар 300 тыһыынча солкуобайы уоран ылбыт.
Арассыыйа Федерациятын Холуобунай кодексатын 158-с ыстатыйатын 2-с чааһынан «Уоруу» диэн холуобунай дьыала көбүтүлүннэ.