Вакуум-васкулярнай терапия диэн тугуй?
Урут тымныйдахха, өстүөкүлэ “бааҥканан эмтэнии” абырыырын билигин да өйдүүр дьон бааллар. Ол эбэтэр, мэдиссиинэҕэ вакуум-аппарааты былыр-былыргыттан туһаналлар. Билигин вакуум-васкулярнай терапияны (ВВТ) араас ыарыыга киэҥник туһаналлар.
БЫҺААРЫЫ
Вакуум- васкулярнай терапия – тириигэ, былчыҥҥа уонна тымырдарга дьайар туһугар сэдэхсийбит убаҕас салгыны (вакуум) туһанар физиотерапия ньымата. Анал аппарааттар эбэтэр бааҥкалар туһаныллар бу процедуралара хаан эргиирин тупсараллар, биэссэстибэлэр атастаһыыла ын көҕүлүүллэр, тканнар кислородунан тотоллоругар туһалыыллар.
Вакуум-васкулярнай терапия туһунан Наркология өрөспүүбүлүкэтээҕи диспансерын невролог-бырааһа Спартак Михайлович Мохотчунов кэпсиир.
— Вакуумнай терапияны билигин хирургияҕа көдьүүстээхтик туһаналлар. Вакуумнай терапия бааһы ыраастыырга уонна оһордорго, хирургия уустук орооһууларын кэнниттэн доруобуйаны чөлүгэр түһэрэргэ көдьүүстээх.
“Бааҥка терапията” 50‑тан тахса ыарыыны эмтииргэ туһалааҕа дакаастаммыта. Холобур, араас генез, астма, сөтөл, акне, ымынаҕырыы, курдуур модьуун (опоясывающай лишай), сирэй баралыыһа, спондилез, мастит ыарыыларга.
Вакуум терапията дьайыытынан араастаах. Холобур “тэтимнээх” дьайыыга вакуум тэрилин эмтэнээччи этигэр мэлдьи хамсатаҕын. Оттон “статическай” дьайыыга вакууму хамсаппакка эрэ чопчу ыалдьар сиригэр уураҕын. “Булкаас” дьайыыга икки үөһээ ньымалары туттаҕын.
“Вакуум–терапия доруобай буоларга, чөл олоҕу тутуһарга, ситиһиилээх уонна дьоллоох буоларга дьулуһар дьоҥҥо аналлаах”.
Ону сэргэ вакууму илиинэн туһаныы уонна вакуум-аппараат көрүҥнэрэ бааллар. Илиинэн туһаныыга бааҥкалары уонна араас тэриллэри, эбэтэр салгыны хачайдыыр уонна вакууму оҥорор аппарааты тутталлар.
Вакуум туһата мэдиссиинэ үгүс салаатыгар, ордук рефлексотерапияҕа уонна массааска көстөр.
Процедуралар хайдах оҥоһуллалларый?
— Киһи этигэр-сиинигэр бааҥканы ууруу кэмигэр уонна ол кэнниттэн суол-иис (экстравазаттар) хаалар. Кыһыллыҥы-күөх, хара саарыл суоллар — көҕөрүү буолбатахтар. “Отрицательнай” баттааһын суотугар хаан капиллярдартан “ыгыллар”. Массаас сурааһыннара үксүгэр акупунктурнай ханааллар хаамыыларын кытта сөп түбэһэллэр.
Эмтэнээччигэ көмөтө
— Тэтимнээх вакуумнай массаас олус киэҥ дьайыылаах. Массаастааччы вакууму кытары үлэлииригэр тканнар урукку балаһыанньаларын уларытар, ол эбэтэр үөһээ таһааран биэрэр. Тканнар икки ардыларынааҕы убаҕас, лимфа уонна хаан хамсаан бараллар, кинилэр састааптара уларыйар. Тканнар халыйыылара тупсар — фасциальнай хам сыстыылар суох буолаллар.
Биир суолталаах дьайыынан убаҕастар, чуолаан лимфалар сүүрээннэрэ түргэтээһинэ буолар. Нуорма быһыытынан, лимфа түргэнник хамсаабат, мүнүүтэҕэ икки сантиметр. Сөптөөх турукка килиэккэлэр икки ардыларынааҕы биэсэстибэҕэ тахсыбыт уонна тымыр сүнньүгэр төттөрү киирбит хаан балаансата тутуһуллар.
Быраабылалары билиэхтээхпит
— Процедура көдьүүстээх буоларыгар сүрүн усулуобуйанан ууну сөптөөх нуорманан иһии буолар. Оччотугар лимфа уонна хаан сүүрээнэ түргэтиир. Оттон килиэккэлэргэ элбэх процесс суурайааччыттан — ууттан тутулуктаах. Организмҥа уу ситэри тиийбэт буоллаҕына, процедура көдьүүһэ кыра буолар. Билигин вакуум-терапияҕа (бааҥкалаах массааска) интэриэс элбии турар.
Судургу массаас туһата
— Биллэрин курдук, эмтэнээччини илиинэн массаастыырга сүрүн ньымаларынан имэрийии, убахтааһын, илбийии буолаллар. Массаас кэмигэр тирии тустаах учаастактарыгар баттааһын күүһүрэр, ол суотугар капиллярдарынан хаан барыыта уонна лимфа хамсааһына тупсар. Массаастааччы баттыан сөп, ол гынан баран, илиитинэн “отрицательнай” баттааһыны толору оҥорор кыаҕа суох. Манна вакуум бааҥкалара көмө буолаллар.
Вакуум-градиентнай терапия кимиэхэ нааданый?
— Вакуумнай массаас сымнаҕас тканнарга хаан тохтооһунугар уонна ишемическэй процесстарга, артритка уонна тымыр артроһугар, быһыы-таһаа уларыйыытыгар, сколиозка, ону сэргэ эчэйии уонна тирэнэр-хамсыыр аппараакка эпэрээссийэлэр кэннилэриттэн наадалаах.
Вакуум-градиентнай терапия стоматология быраактыкатыгар: сирэй ньиэрбэтин невралгиятын, чэчэгэй-аллараа сыҥаах тымырдарын ыарыыларын эмтииргэ үчүгэй түмүктэрдээх. Бу терапия сеансын кэнниттэн бээтинэлэр хаалаллар. Бээтинэлэр 3–5 күнүнэн туох да суолу-ииһи хаалларбакка сүтэллэр.
Ол гынан баран, бээтинэлэр баар эрдэхтэринэ, организм туругун быһаарар кыах эмиэ үөскүүр:
— Өһөх өҥнөөх бээтинэлэр тканнарга тохтоон хаалыы процеһа барбытын көрдөрөллөр. Маннык түбэлтэҕэ күүскэ хамсанарга уонна массаас куурустарыгар тиһигин быспакка сылдьарга сүбэлииллэр. Тоҕо диэтэххэ, итинник көстүүлэр хаан хамсааһына кэһиллиитигэр тириэрдэллэр.
— Хараҥа туочукалардаах кыһыл бээтинэлэр тирии үөһээ араҥатыгар хаан хамсааһына кэһиллибитин биллэрэллэр. Ону массаас эрэ көннөрөр.
— Көҕүрүмтүйэр бээтинэлэр — токсиннар элбэхтэрин бэлиэлэрэ. Ити организмы ыраастыыр наадатын көрдөрөр.
— Тирии иһиитэ гормональнай кэһиллиини көрдөрүөн сөп. Ол иһин, итинник сибикилэри биллэххэ, эндокринологтан сүбэ-ама ылыллар.
Сүрэх-тымыр систиэмэтигэр дьайыыта
Вакуум-васкулярнай терапия “иккис сүрэх” курдук дьайар, хааны уонна лимфаны хачайдыырга көмөлөһөр. Хаан сүүрээнин стимуляцията: хаан сүүрүүтэ түргэтииригэр уонна хаан баттааһыныгар көмөлөһөр, микротромбалары уонна эритроциттар “манньыаттаах столбиктарын” суох оҥорор, хаан сүүрэрин тупсарар.
Тымырдары кытта үлэ: азот оксида оҥорон таһаарылларын көҕүлүүр (тымыр кэҥиир), тымырдар күүрүүлэрин бэрээдэктиир уонна саҥа капиллярдар баар буолалларыгар көмөлөһөр (ангиогенез).
Ишемияны утары дьайар: уорганнар ишемияларын намтатар уонна атеросклеротическай бляшкалар үөскүүллэрин эрдэттэн тохтотор.
Тирэнэр-хамсанар аппараакка дьайыыта
— Вакуум-васкулярнай терапия сис тоноҕоһун уонна тымыр ыарыыларын эмтээһиҥҥэ киэҥник туһаныллар. Ыарыыны уонна бопторуулары (спазм) устуу: былчыҥ күүрүүтүн уонна ыарыы сибикилэрин эмэ-томо суох түргэнник суох оҥорор.
Тканнар регенерациялара: тымырдар, силгэ уонна уҥуох тканнарын араахымаларын үтүөрдүүнү түргэтэтэр. Хаан туруутун, иһиини утары охсуһуу: тымыр уонна сис тоноҕоһун уобаластарыгар тохтоон хаалыы (застой) дьайыыларын суох оҥорор. Остеохондроһу эмтээһин: вакуум-градиентнай дьайыы сис тоноҕоһун диискэлэрин “аһылыктарын” чөлүгэр түһэрэргэ көмөлөһөр.
ЫАРЫЫНЫ СЭРЭТИИГЭ
ВВТ ааһан- араҕан биэрбэт ыарыылары сэрэтэргэ уонна уопсай организмы б ҕөргөтөргө туһаныллар.
Бастакы сүһүөх сэр тии: тымыр эркиннэрин бөҕөргөтөр уонна хаан туруутун сэрэтэр.
Успуорт мэдиссиинэтэ: күүстээх ноҕуруускалар кэннилэриттэн сылайбыты аһардар уонна эйэчиилэри сэрэтэр.
Чөлүгэр түһэрии: эпэрээссийэлэр уонна тирэнэр- хамсанар аппараат эчэйиилэрин кэнниттэн түргэнник чөлгө түһэрэр.
Хаартыскалар: С. Мохотчунов тус архыыбыттан уонна https://www.magnific.com/ru