1925 сыллаахха алтынньы 8 күнүгэр Дьокуускай куорат үрдүнэн лүөччүк Петр Фадеев салайыытынан «Сопвич» биплан — бастакы сөмөлүөт көппүтэ.
Бүгүн, алтынньы 8 күнүгэр бэлиэтэнэр Саха сирин авиациятын күнэ, устуоруйаҕа киирбит бастакы сөмөлүөт көтүүтүн кытта ыкса сибээстээх.
Ил Дархан Айсен Николаев эрэгийиэн авиациятын ураты суолтатын өрүү анаан бэлиэтиир: «Саха авиациятын сайдыыта, бастатан туран, дьон туһугар кыһамньы. Дойду Бэрэсидьиэнэ Владимир Путин уонна Арассыыйа Бырабыыталыстыбатын өйөбүллэринэн аэропортары саҥардыы, саҥа терминаллары тутуу уонна инфраструктураны тупсарыы салҕанар”.
СӨ тырааныспарга министиэристибэтигэр бэлиэтээбиттэринэн, бүгүн Саха сирин авиацията — салгын сибээһигэр эрэллээх ситим: куораттары уонна бөһүөлэктэри ситимниир, араас таһаҕас, эми, почтаны тириэрдэр уонна дьону холбуур. Бүгүҥҥү күҥҥэ өрөспүүбүлүкэҕэ 32 аэропорт уонна 170-тан тахса түһэр-көтөр былаһаакка Саха сирин бары улуустарын ыраах муннуктарыгар транспортнай ситими хааччыйаллар. Салгын сибээһин хааччыйыыга «Полярные авиалинии» уонна «Якутия» авиакомпаниялар ордук улахан оруоллаахтар.
Ааспыт сыл өрөспүүбүлүкэ авиатордарыгар ураты сыл: Саха сирэ бэйэтин авиациятын 100 сылын киэҥник бэлиэтээбитэ. Национальнай бырайыак чэрчитинэн 2030 сылга диэри Саха сирин аэропортарын саҥардыы эбийиэктэрин ахсааннарыгар Өлүөхүмэ, Мииринэй, Полярнай, Ньурба уонна Зырянка аэропортара бааллар. Ыраах улуустар олохтоохторугар көтүүлэри аһаҕас оҥорор пассажирскай перевозкалары субсидиялааһын бырагыраамаларыгар эмиэ ураты болҕомто ууруллар.
Сиһилии: https://www.sakha.gov.ru/news/65878 сигэнэн аах.