Уус Маайа улууһун борокуратуурата тэрилтэ сэбиэдиссэйэ хоруупсуйаҕа буруйу оҥорон баран, бэйэтин баҕатынан уурайа сатаабытын тохтоппут. Бу туһунан СӨ Борокуратуурата иһитиннэрэр.
Улуус борокуратуурата оҕо уһуйааныгар хоруупсуйаны утары сокуон тутуһуллуутун бэрэбиэркэлээтэ.
Ыытыллыбыт бэрэбиэркэ түмүгүнэн, оҕо уһуйаанын сэбиэдиссэйэ кыыһын уонна урукку кэргэнин кытта биир тэрилтэҕэ, кини салалататынан үлэлииллэрин туһунан улуус дьаһалтатыгар иһитиннэриини ыыппатаҕа быһаарылынна.
Борокуратуура улуус баһылыгар дьаһал биэрбит, ол эрээри сэбиэдиссэй бэйэтин баҕатынан уурайбытынан сибээстээн, тахсыбыт сокуону кэһиилэри туоратарга дьаһал ылыллыбатах.
Маны кытта сөбүлэспэккэ, борокуруор суукка уурааҕы уларытарга, сэбиэдиссэй итэҕэли сүтэрбитинэн сибээстээн үлэтиттэн ууратар туһунан ирдэбили түһэрбит.
Суут борокуруор ирдэбилин толору өйөөбүт.
Суут уурааҕа сокуоннай күүһүгэр киирэ илик уонна өрүттэр ааһыныахтарын сөп.