Нам оройуонун борокуратуурата олохтоохтор сайабылыанньаларын уонна туруорсууларын көрүү туһунан сокуоннары тутуһууну бэрэбиэркэлээтэ.
Бэрэбиэркэнэн быһаарыллыбытынан, Ленскэй уонна Хатыҥ Арыы нэһилиэктэрин дьаһалталарыгар үс олохтоох киһиттэн олорор дьиэ уонна сир сыһыаннаһыыларын бырааптарын олоххо киллэрии боппуруостарыгар сайабылыанньалар киирбиттэр, ол эрээри кинилэр сокуонунан олохтоммут болдьоххо көрүллүбэтэхтэр. Борокуратуура муниципалитеттар баһылыктарыгар ирдэбил киллэрдэ уонна РФ КоАП 5.59 ыстатыйатынан («Гражданнар туруорсууларын көрүү бэрээдэгин кэһии») административнай быраабы кэһии дьыалаларын тэрийдэ.
Борокуратуура ирдэбилинэн сокуону кэһиилэр туоратылыннылар, оттон баһылыктар хас биирдиилэрэ 5-тии тыһыынча солкуобай суумалаах ыстарааптанан административнай эппиэтинэскэ тардылыннылар.