Саха сирин Тырааныспарга министиэристибэтэ «Намыв» ыстаансыйа (Дьокуускай) — Аллараа Бэстээх күүтэр пуун маршрутунан өрүс тырааныспарынан (катерынан) айан сыаната үрдүүрүн туһунан иһитиннэрэр.
Алтынньы 1 күнүттэн билиэт сыаната 500 солкуобайга диэри үрдүөҕэ. Ол биричиинэтэ — Өлүөнэ өрүскэ уу таһыма намтаабыта буолар, онтон сылтаан айанныыр суол уһаабыт уонна уматыкка барар ороскуот үрдээбит.
Санаттахха, навигация саҕаланыытыгар билиэт сыаната 400 солкуобай этэ. Катердар күн аайы 07:00 чаастан 19:00 чааска диэри үлэлииллэр.