Мииринэй оройуонугар байыаннай дьайыы бэтэрээннэрэ «Аҕа дойдуну көмүскээччилэр» пуонда филиалын социальнай координатордарын уонна Аҕа дойду буойуттарын дьиэ кэргэттэрин кэмитиэтин өйөбүллэринэн оҕолорго бырааһынньыгы тэрийэн ыыттылар.
Тэрээһин Иирэлээх кытылыгар буолбут. Оҕолор араас куонкурустарга үөрэ-көтө кыттыбыттар, ханаатынан сүүрбүттэр, мэһэйдэри туораабыттар.
—«Биһиги, байыаннай дьайыы кыттыылаахтара, Арассыыйа буойунун үрдүк аатын иһин социальнай эппиэтинэспитин салгыы дакаастыыбыт. Оҕолорго бырааһынньыктары тэрийии, кинилэргэ кыһамньылаах буолуу — дойдубут көмүскэлин курдук иэспит сорҕото. «Аҕа дойдуну көмүскээччилэр» пуонда филиалыгар уонна Аҕа дойду буойуттарын дьиэ кэргэттэрин кэмитиэтигэр махтанабын. Оҕолорбутугар мичээрдэрин иһин махтал, — диэн байыаннай дьайыы бэтэрээнэ Игорь Тажибаев санаатын үллэһиннэ.
Бу сылаас, ураты күн Аҕа дойдуну көмүскээччилэр оҕолоругар өйдүү-саныы сылдьар күннэринэн буолла диэн тэрийээччилэр бэлиэтииллэр.
Ил Дархан Айсен Николаев ааспыт сыл ахсынньытыгар Ил Түмэҥҥэ Туһаайан этиитигэр байыаннай сулууспаны, байыаннай сулууспаттан кэлиини, төлөбүрү уонна өйөбүл дьаһалларын кытта сибээстээх байыаннай дьайыы кыттыылаахтарын балаһыанньаларын быһаарыыга структуралар бииргэ үлэлииллэрэ эрэйиллэрин бэлиэтээбитэ. Бу үлэ Аҕа дойдуну көмүскээччилэр пуондаларын Саха сиринээҕи салаатын кытта бииргэ ыытыллар.
—Социальнай реабилитация уонна байыастары олоххо адаптациялааһын боппуруостара ураты болҕомтону эрэйэллэр. Бу үөрэх уонна үлэҕэ киллэрии, уопсастыбаннай олоххо тардыы, — диэн бэлиэтиир Ил Дархан.
Сиһилии: https://www.sakha.gov.ru/news/52824
СӨ Ил Дарханын уонна Бырабыыталыстыбатын пресс-сулууспата