Өрөспүүбүлүкэҕэ ааспыт суукка иһигэр 9 буруйу оҥоруу бэлиэтэннэ, олорго холуобунай дьыалалары силиэстийэлээһин уонна процессуальнай бэрэбиэркэлэри ыытыы борокуратуура хонтуруолугар баар.
Үөһээ Бүлүү оройуонугар хаҥас бүөрүгэр быһаҕынан анньыллан уонна да атын эчэйиини ылан, 1980 с.т. эр киһи дьиэтиттэн госпитализацияламмыт. Буруйу оҥорууга уорбаланааччы быһаарыллыбыт.
Ленскэй оройуонугар гараастан сылытар пушка, мойка, электрическай гитара, оҕо электромобила, 2 ноутбук уо.д.а. уоруллубут.
Дьокуускай икки олохтооҕун Госуслуга, Росфинмониторинг, ФСБ сымыйа үлэһиттэрэ эрийэннэр итиэннэ «инвестированияҕа» үөрэтэбит диэн албыннаан, уопсайа 1 мөл. солк. уорбуттар.
Киин куоракка «Тойота Филдер» массыынаны күрэтэн барбыттар. Массыына ханна баара быһаарыллыбыт.
Кэбээйи оройуонугар урбаанынан дьарыктаныыга биир кэмнээх төлөбүрүнэн сыала суох туһаныынан бэрэбиэркэ ыытыллар.
Дьокуускай куоракка наркотигы сокуоннайа суох эргинии эйгэтигэр буруйу оҥоруу тохтотулунна, былаас бэрэстэбиитэллэригэр күүһүнэн өттөйүү туһунан иһитиннэрдилэр.
Мэҥэ Хаҥалас улууһугар күөлгэ балыктыы сылдьан икки киһи ууга түспүт.
Бу уонна да атын быһылааннар ааспыт сууккаҕа таҕыстылар.