Бэс ыйын 1 күнүттэн Саха сирин сорох улуустарыгар дьоҕус уу суудуналарыгар навигация кэмэ официальнайдык аһылынна. Тырааныспар уонна суол хаһаайыстыбатын министиэристибэтэ уу тырааныспарын бас билээччилэргэ навигация саҕаланар болдьоҕун санатар.
Дьоҕус кээмэйдээх суудуналар (реестиргэ бэлиэтэммит, ону таһынан судаарыстыбаннай регистрацияҕа турбат ааллар) айаннара маннык болдьохторго көҥүллэнэр:
- – бэс ыйын 1 күнүттэн – Амма, Чурапчы, Таатта, Ленскэй, Өлүөхүмэ, Алдан, Уус-Маайа, Мииринэй, Сунтаар, Нерюнгри, Хаҥалас, Мэҥэ-Хаҥалас, Горнай, Уус-Алдан, Томпо, Нам, Кэбээйи, Ньурба, Бүлүү, Үөһээ Бүлүү улуустарыгар уонна Дьокуускай, Жатай куораттааҕы уокуруктарга;
- – бэс ыйын 8 күнүттэн – Дьааҥы, Эбээн-Бытантай, Үөһээ Халыма улуустарыгар;
- – бэс ыйын 10 күнүттэн – Өймөкөөн, Муома, Орто Халыма, Өлөөн, Аллараа Халыма, Эдьигээн улуустарыгар;
- – бэс ыйын 14 күнүттэн – Абый, Усуйаана улуустарыгар;
- – бэс ыйын 16 күнүттэн – Аллайыаха, Анаабыр, Булуҥ улуустарыгар (Неелов хомотуттан ураты);
- – от ыйын 23 күнүттэн – Булуҥ улууһун Неелов хомотугар.
Олохтоммут кэмтэн эрдэ уу акваториятыгар тахсыы бобуллар, бурудйаах административнай эппиэтинэскэ тардыллыан сөп. Бирикээс Саха сирин территориятыгар уу эбийиэктэригэр хонтуруоллуур-кэтиир үлэни ыытар федеральнай толорор былаас уорганнарын территориальнай уорганнарыгар тарҕаммат.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата