Бэс ыйын 6 күнүгэр “Арассыыйа” Национальнай кииҥҥэ “Дойдуҥ туһунан аан дойдуга кэпсээ” норуоттар икки ардыларынааҕы куонкурус кыайыылаахтарын наҕараадалыахтара.
Бу сыллар тухары куонкуруска 33000 оҕо, ыччат кэлэктииптэрэ уонна устудьуоннара 89 эрэгийиэнтэн уонна 94 тас дойдуттан кытыннылар.
Наҕараадалааһыҥҥа араас дойдулартан уонна Арассыыйа бары эрэгийиэннэриттэн кыайыылаахтар, судаарыстыбаннай, уопсастыбаннай диэйэтэллэр, ыччакка патриотическай иитиини ыытар тэрилтэлэр салайааччылара, о.д.а. кыттыыны ылыахтара.
Бу кэнниттэн ыалдьыттар “Арассыыйа” НК экспозициятын билсиэхтэрэ, “Арассыыйа устун айан” интерактивнай бырагыраамаҕа сылдьыахтара, ол нөҥүө үйэлэр быыстарынан “айанныахтара”.
Куонкуруһу РФ Бэрэсидьиэнин, РФ тас дьыалаларга министиэристибэтин, РФ үөрэҕин министиэристибэтин, Федерация Сэбиэтин, Госдуума, о.д.а өйөбүллэринэн “Оҕону, ыччаты иитэр, сайыннарар инновационнай киин “ АНО тэрийэн ыытар.
Куонкурус бииргэ үлэлэһэр тэрилтэлэрэ анал номинациялары олохтоотулар. Ол курдук РФ тас дьыалаларга министиэристибэтэ «Мост дружбы: Россия в диалоге культур», Арассыыйа норуоттарын ассамблеятыттан «Достояние моей малой родины – достояние России», Арассыыйа норуоттарын дьиэтиттэн «За сохранение и популяризацию традиций и культуры народов, проживающих на территории России», о.д.а.
“Оҕону, ыччаты иитэр, сайыннарар инновационнай киин “ АНО