Дьокуускай куорат 3 №-дээх Оҕо спортивнай оскуолатыгар (ДЮСШ) бэтэрээннэргэ уонна көннөрү дьарыктанар (любитель) күрэсчиттэргэ көҥүл тустууга Саха сирин чөмпүйэнээтэ ыытылынна. 35-тэн 60 саастарыгар диэри тустууктарга күрэхтэһии 54 кыттааччыны түмтэ диэн ЯСИА иһитиннэрэр.
ССРС успуордун маастара, Саха АССР үтүөлээх тириэньэрэ, ХИФУ бэрэпиэссэрэ Николай Алексеев сырдык кэриэһигэр ананан ыытылынна. Тустуу биэс дивизиоҥҥа барда: 35–40, 41–45, 46–50, 51–55 уонна 56–60 саастаахтарга. Кыттааччылары эмиэ ыйааһыннарынан араардылар: 62, 70, 78, 88, 100 уонна 130 киилэҕэ диэри.
Кинилэр ортолоругар элбэх титуллаах тустуук баара, ол иһигэр Уус Алдантан Арассыыйа успуордун үтүөлээх маастара, Сурдлимпийскай оонньуулар кыайыылаахтара Василий Стрекаловскай (88 кг диэри). Күүстээх утарсыы баарын үрдүнэн, 36 саастаах күрэсчит үс утарсааччытын кыайан, бэйэтин ыйааһыныгар бастакы миэстэни ылла.
Биир тыҥааһымнаах киирсиинэн Мэҥэ Хаҥаластан норуоттар икки ардыларынааҕы кылаастаах успуорт маастара Александр Птицын уонна Чурапчыттан хапсаҕайга бочуоттаах маастар Айаал Павлов көрсүһүүлэрэ буолла. Бастакы кэм (период) Птицын туһатыгар түмүктэннэ (1:0). Онтон киирсии иккис аҥаарыгар Мэҥэ Хаҥалас бэрэстэбиитэлэ түөрт бааллаах быраҕыыны оҥордо. Көрсүһүү бүтүүтэ Павлов киирсэн көрбүтэ да, утарсыыга түбэстэ. Киирсии 9:1 ахсаанынан түмүктэннэ.
Бастакы дивизиоҥҥа 62 кг диэри ыйааһыҥҥа Дьокуускайтан Вячеслав Кривошапкин соһуччу кыайыыны ситистэ. Кини күрэхтэһии кылаабынай сэкирэтээринэн үлэлиирин таһынан, бэйэтэ эмиэ тустарын мүччү туппата. Бүтүн Арассыыйатааҕы кылаастаах судьуйа Уус Алдантан Европа призера, ахсынньыттан Кыргызстаҥҥа, Беларуська уонна Монголияҕа норуоттар икки ардыларынааҕы турнирдарга кыайбыт Михаил Захаровтан күүстээх буолан биэрдэ (2:2).
Кыайыылаахтар уонна призердар:
А дивизион:
- 62 кг диэри: 1. Вячеслав Кривошапкин (Дьокуускай), 2. Михаил Захаров (Уус Алдан), 3. Евгений Васильев (Уус Алдан), 3. Андрей Васильев (Уус Алдан);
- 70 кг диэри: 1. Уххан Болугур (Амма), 2. Арсен Федоров (ДьКШИ), 3. Владимир Афанасьев (Хаҥалас);
- 78 кг диэри: 1. Тарас Неустроев (Мэҥэ Хаҥалас), 2. Георгий Кардашевский (Дьокуускай), 3. Егор Скрябин (Дьокуускай);
- 88 кг диэри: 1. Василий Стрекаловский (Уус Алдан), 2. Александр Семейщиков (Хаҥалас), 3. Юрий Балаганский (Нам), Артур Моисеев (Хаҥалас);
- 130 кг диэри: 1. Гаврил Михайлов (Сунтаар);
В дивизион:
- 62 кг диэри: 1. Андрей Иннокентьев (Ньурба), 2. Илья Тимофеев (Хаҥалас), 3. Айсен Находкин (Таатта);
- 70 кг диэри: 1. Николай Олесов (Уус Алдан), 2. Максим Колесов (Уус Алдан), 3. Семен Тимофеев (Үөһээ Бүлүү), 3. Эртине Долаан (Чурапчы);
- 78 кг диэри: 1. Гаврил Чаприн (Амма), 2. Егор Петров (Сунтаар), 3. Дмитрий Белоногов (Орто Халыма), 3. Виталий Шишигин (Таатта);
- 88 кг диэри: 1. Музафар Халилов (Дьокуускай), 2. Владимир Стручков (Дьааҥы), 3. Дмитрий Еремеев (Кэбээйи);
С дивизион:
- 62 кг диэри: 1. Александр Корякин (Дьокуускай);
- 70 кг диэри: 1. Александр Птицын (Мэҥэ Хаҥалас), 2. Айаал Павлов (Чурапчы), 3. Евгений Дьячковский (Нам);
- 78 кг диэри: 1. Николай Иванов (Таатта);
- 88 кг диэри: 1. Александр Некрасов (Дьокуускай), 2. Аркадий Потапов (Таатта);
- 100 кг диэри: 1. Христофор Христофоров (Таатта), 2. Сергей Тирон (ДьКШИ);
D дивизион:
- 62 кг диэри: 1. Александр Поскачин (Дьокуускай);
- 70 кг диэри: 1. Василий Оконешников (Уус Алдан), 2. Поликарп Захаров (Таатта);
- 78 кг диэри: 1. Михаил Тихонов (Мэҥэ Хаҥалас), 2. Егор Данилов (Кэбээйи);
- 88 кг диэри: 1. Алексей Михайлов (Сунтаар);
- 130 кг диэри: 1. Алексей Николаев (Дьокуускай);
Е дивизион:
- 62 кг диэри: 1. Захар Дьячковский (Дьокуускай), Егор Красильников (Чурапчы);
- 70 кг диэри: 1. Валериан Неустроев (Мэҥэ Хаҥалас), 2. Ефрем Ефремов (Амма);
- 78 кг диэри: 1. Роман Оконешников (Чурапчы);
- 88 кг диэри: 1. Егор Винокуров (Булуҥ);
- 100 кг диэри: 1. Николай Баттахов (Амма);
- 130 кг диэри: 1. Андрей Александров (Үөһээ Бүлүү).
Дьулустаан Сергеев, ЯСИА хаартыскаҕа түһэриилэрэ