Үөһээ Бүлүү улууһугар суол быһылаана бэлиэтэммит. Саахал түмүгэр электропитбайк суоппара тыына быстыбыт. Бу туһунан ИДьМ сулууспатын ГАИ пресс-сулууспата иһитиннэрдэ.
Саахал ыам ыйын 20 күнүн түүнүгэр, 00:30 чаас саҕана Үөһээ Бүлүү сэлиэнньэтигэр Сайылык диэн сир суолун учаастагар буолбут. Бастакы чахчыларынан, 1969 с.т. суоппар «Kugoo» мааркалаах электропитбайгынан иһэн, уруулун кыайан туппакка суолтан туораабыт.
Ылбыт эчэйиилэриттэн электропитбайк суоппара суһал көмө быраастара кэлиэхтэрин иннинэ, саахал тахсыбыт сиригэр тыына быстыбыт. Билиҥҥи кэмҥэ саахал чахчытынан полиция үлэһиттэрэ бэрэбиэркэ ыыталлар.