Бүгүн Эльгатааҕы таас чох хостонор сирин чугаһыгар, бэдэрээттиир тэрилтэ көрөр-истэр саппаас насос станциятыгар быһылаан таҕыста. Бастакы дааннайынан, быһылаан насос станциятын ууну харайар резервуарын герметизацията кэһиллибитин кытта сибээстээх буолуон сөп.
Манна чуолаан бэлиэтиэххэ наада: быһылаан сүрүн оҥорон таһаарар комплекска буолбакка, бэдэрээттиир тэрилтэ эппиэтинэһигэр баар саппаас уу насоһун станциятыгар таҕыста. Бу эбийиэк сүрүн оҥорон таһаарар комплекстан лаппа ыраах сиргэ турар.
Сүрүн комплекс үлэһиттэригэр туох да куттал суох, ону тэҥэ хостонор сир территориятыгар атын быһылаан тахсар куттала суох.
Хампаанньа бары судаарыстыбаннай уорганнары уонна сулууспалары кытта ыкса үлэлиир, куруук сибээскэ олорор. Быһылаан туохтан сылтаан тахсыбыта уонна биричиинэлэрэ быһаарыллаллар. Бигэргэтиллибит чуолкай иһитиннэрии киирэринэн, хампаанньа эбии биллэрэн иһиэҕэ. Бу туһунан «Эльга» хампаанньа пресс-сулууспата суруйар.