Балаҕан ыйын 2 күнүгэр Владивосток куоракка Уһук Илин федеральнай университетын кампуһугар Уһук Илин XI экэнэмиичэскэй пуорум иитинэн Саха Өрөспүүбүлүкэтин инвестиционнай кыаҕын билиһиннэриэхтэрэ.
Тэрээһиҥҥэ Ил Дархан Айсен Николаев, Арассыыйа салайааччылара, Уһук Илини сайыннарыы министиэристибэтин салайааччылара, өрөспүүбүлүкэ бырабыыталыстыбатын чилиэннэрэ, ону тэҥэ сайдыы институттарын, баан структураларын уонна биисинэс бэрэстэбиитэллэрэ кыттыыны ылыахтара.
Билиһиннэрии кэмигэр эрэгийиэни сайыннарар сүрүн хайысхалар, ол иһигэр цифровай инфраструктураны оҥоруу, тырааныспар көрүдүөрдэрин уонна креативнай индустриялары сайыннарыы инникилээх бырайыактара көрдөрүллүөхтэрэ.
Сиһилии: https://www.sakha.gov.ru/news/61118