Атамай оҕолоро «Көтөр мээчик» күрэхтэһии үрүҥ көмүс призердарынан буоллулар!
Дьокуускайга «Серебряный мяч» күрэхтэһии чэрчитинэн, XII өрөспүүбүлүкэтээҕи «Көтөр мээчик» волейболга финал түмүктэннэ.
Горнай улууһун чиэһин 2013–2014 сс. төрүөх уолаттарга В.Д. Лонгинов аатынан Атамай агрооскуолатын хамаандата дьоһуннаахтык көмүскээтэ. Хамаанда салайааччыта үрдүк категориялаах учуутал Прокопий Яковлев.
Икки күннээх киирсии түмүгүнэн, биһиги волейболистарбыт бочуоттаах II миэстэни ылан, үрүҥ көмүс мэтээлинэн наҕараадаланнылар! Ону таһынан, оонньуу хаамыытыгар Ярослав Иванов «Бастыҥ көмүскээччи» аатын ылан бэлиэтэннэ.
Өрөспүүбүлүкэ таһымнаах күрэхтэһиигэ кыттыы бу оҕолорбутугар улахан уопут, спортивнай ааты-суолу үрдэтэр уонна хамаанданан түмсүү күүһүн бигэргэтэр бэлиэ түгэн.
Спортсмен оҕолорбутун уонна кинилэр эрчийээччилэрин бу кыайыыларынан эҕэрдэлиибит! Инникитин өссө үрдүк чыпчааллары, саҥа кыайыылары баҕарабыт!
Татьяна Павлова
Хаартыскаҕа Розалия Иванова түһэриитэ.