РФ Үөрэҕириитин министиэристибэтэ иһитиннэрэринэн, уопсай орто үөрэхтээһин былааныгар үөрэх кэккэ биридимиэттэрин базовай уонна (эбэтэр) дириҥэтэр таһымҥа булгуччулаах үөрэтиигэ киллэрэр туһунан көрөллөр.
Олор кэккэлэригэр нуучча тыла, литэрэтиирэ, төрөөбүт тыл (РФ норуотун тыла) уонна (эбэтэр) РФ өрөспүүбүлүкэтин судаарыстыбаннай тыла, төрөөбүт литэрэтиирэ (РФ норуотун тылынан литэрэтиирэ), омук тыла, иккис омук тыла, математика, информатика, устуоруйа, обществознание, география, физика, химия, биология, куттал суох буолуутун уонна Төрөөбүт дойдуну харыстааһын, ону тэҥэ, физкултуура курдук биридимиэттэр бааллар. Бу туһунан Парламент хаһыатын МАХ сыһыарыытыгар суруйаллар.