Дьокуускай куорат борокуруора 2010 сыллаах төрүөх кыыс эчэйбитинэн бэрэбиэркэ ыытар.
⠀
Барыллаан быһаарыллыбытынан, атырдьах ыйын 22 күнүгэр күнүс Дьокуускай куорат Сынньалаҥ уонна култуура пааркатыгар аттракционтан кыыс сууллан, эчэйиини ылбыт. Билигин киниэхэ мэдиссиинискэй көмө оҥоһуллар. Миэстэтигэр Дьокуускай куорат борокуруорун үлэһиттэрэ үлэлииллэр диэн СӨ Борокуратуурата иһитиннэрдэ.
⠀
Бэрэбиэркэ кэмигэр борокуруор аттракциону туһаныыга, сокуон ирдэбилин тутуһууга уонна да атын боппуруостарга сыана биэриэҕэ.
⠀
Бэрэбиэркэ түмүгүнэн, төрүөт баар буоллаҕына, борокуратуура дьаһаллара ылыллыахтара.