Өрөспүүбүлүкэҕэ эбии 857 богуон (52,7 тыһыынча туонна) ньиэп бородууксуйата кэлэн иһэр. Хотугу таһаҕаһы тиэйии чэрчитинэн, Арктика оройуоннара уматыгынан толору хааччылыннылар. Бу туһунан Гражданскай оборуона дьыалаларын уонна нэһилиэнньэҕэ куттал суох буолуутун хааччыйар министиэристибэ иһитиннэрдэ.
⠀
Бастатан туран, суһал уонна саахал тахсар түгэнигэр үлэлиир сулууспалары, доруобуйа харыстабылын тэрилтэлэрин тохтоло суох хааччыйыы мэктиэлэнэр. Кинилэр үлэлэрэ штатнай эрэсииминэн ыытыллар.
Алдан уонна Нерюнгри оройуоннарыгар:
• Сууккатааҕы лимиит АИ-92 бэнсииҥҥэ 25-тэн 40 тоннаҕа диэри улаатта.
• Алдаҥҥа QR-куод тохтотулунна.
• Нерюнгрига QR-куод салгыы үлэлиир, лимиит биирдэ сапыраапкалааһыҥҥа — 20 л.
Дьокуускайга уонна Аллараа Бэстээххэ:
• «Туймаада-Нефть» АУо: нэһилиэнньэҕэ АИ-92 бэнсиин сууккатааҕы лимиитэ 10-тан 15 куб. м.диэри улааппыт.
• «Саханефтегазсбыт» АУо: нэһилиэнньэҕэ сапыраапкалааһын хааччаҕа суох. Маннык АЗС-га:
– № 2 (Труд уул., 4а);
– № 6 (Жатайдыыр суол быһа охсуһуута);
– № 1401 ОПТИ (Маҕанныыр суол быһа охсуһуута, 1);
– № 51 (50 лет Советской Армии уул., 49б);
– № 62 (Хатыҥ Үрэхтиир шоссе, 4 км, 8а).
• Автоматическай АЗС-га «Саханефтегазсбыт» № 1, 3 уонна 4: АИ-95 уматык каартатынан эрэ атыыланар.
Покровскай: № 9 АЗС АИ-95 бэнсиин сууккатааҕы лимиитэ – 1,6 тоннаҕа диэри (күн ахсын 9:00 ч. саҥардыллар).
Бу хааччахтыыр дьаһаллар быстах кэмнээхтэр. Балаһыанньаттан көрөн уларыйыы киирэн иһиэҕэ.