Саха сиригэр наркотическай эмптэри туттууну сэрэтэр нэдиэлэ саҕаланна. Бу тэрээһин бэс ыйын 22 күнүттэн 28 күнүгэр диэри ыытыллар. Нэдиэлэ сыл аайы бэс ыйын 26 күнүгэр бэлиэтэнэр. Наркотигы сыыһа-халты туһаныыны уонна сокуону кэһэн эргиниини утары охсуһуу аан дойдутааҕы күнүгэр ананар.
Наркотигы туттан саҕалыыр дьон үксэ – ыччаттар, үксүгэр 35 саастарыгар диэри дьон буолара, ордук улахан долгуйууну үөскэтэр. Психоактивнай эмптэри куруук туттуу мэйии килиэккэлэрин алдьатар, быар, сүрэх былчыҥа эмсэҕэлиир, иммунитет мөлтүүр. Биир испирииһинэн туһаныы гепатит уонна ВИЧ-инфекция сыстыытын кутталын үрдэтэр. Наркотиктан тутулуктаныы социальнай сибээстэри алдьатар уонна буруйу оҥоруу эйгэтигэр киллэрэр.
Идэлээхтэр санаталларынан, саамай үчүгэй көмүскэнии — наркотиктан аккаастаныы. Онтон атын талыынан успуорт, айар үлэ уонна социальнай сибээстэри сайыннарыы буолар.
Көмөҕө ханна тиийиэххэ сөбүй?:
- Өрөспүүбүлүкэтээҕи наркологическай диспансер (Михаил Николаев проспега, 38).
- Регистратура: 8 (4112) 33-15-49;
- Психологтар кэбиниэттэрэ: 8 (411) 233-15-49;
- Наркодиспансер суукканы быһа үлэлиир эрэл төлөпүөнэ: +7 924 591-10-20;
- Оҕолорго эрэл төлөпүөнэ (босхо, анонимно, сахалыы): 8 800 2000-122;
- Психологическай-мэдиссиинискэй-социальнай көмө киинэ (оҕолорго уонна эдэр ыччакка): 43-09-07;
- СӨ психологическай өйөбүлүн итии лииньийэтэ: 8 800 100-3550;
- ХИФУ Практическай психология киинин психологическай сулууспата: 49-67-81.