Илимниир сэлиэнньэтигэр оҕо оонньуур былаһааккатын ситэрэн туппатах урбаанньыт холуобунай дьыалаҕа эппиэтинэскэ тардылынна. Бу туһунан СӨ Борокуратуурата иһитиннэрэр.
Суут уурааҕынан кини 3 сыл тургутар болдьохтоох 3 сылга усулуобунайдыка сууттанна.
Урбаанньыт хантараагынан 2,9 мөл. тахса солкуобайы ылан баран, былаһаакка тутуутун ситэрбэтэх (оҥоһуллубатах үлэ суумата 459 тыһ. солк. куоһарбыт).
Холуобунай дьыала борокуратуура бэрэбиэркэтин матырыйаалларыгар олоҕуран тэриллибит. Билигин сууттаммыт киһи оҥорбут хоромньутун толуйда уонна былаһаакка тутуутун бэйэтэ ситэрэн тутта.