«Сахатранснефтегаз» национальнай гаас хампаанньата «Биир ньыгыл Арассыыйа» Норуодунай бырагырааматын биир пуунун уонна Арассыыйа Бэрэсидьиэнэ Владимир Владимирович Путин көҕүлээһинин – социальнай гаастааһын сорудаҕын олоххо киллэриини салгыы ыытар.
2026 сыл саҕаланыаҕыттан гаас ситимигэр Саха сиригэр 270 дьиэ холбонно.
Саамай элбэх дьиэни Дьокуускай куоракка оҥордулар – гаас 175 дьиэҕэ киирдэ. Ону таһынан, Мэҥэ Хаҥалас улууһугар 19 дьиэ, Чурапчыга – 18, Хаҥаласка – 14, Мииринэй оройуонугар – 12, ону тэҥэ Бүлүү уонна Ленскэй улуустарыгар 7-лии дьиэ холбонно.
Бэлиэтээн эттэххэ, социальнай гаастааһын бырагырааматын Ил Дархан Айсен Николаев салалтатынан эрэгийиэннээҕи ыстаап иилиир-саҕалыыр.