Бүгүн, ыам ыйын 26 күнүгэр, үөрэх дьылын түмүктүүр “Тиһэх чуораан” күнэ Уус Алдан улууһун бары оскуолаларыгар чугдаарда. Бу күн оскуола боруогуттан саҥа олоххо үктэнэр выпускниктары үөрэнээччилэр, учууталлар, төрөппүттэр уонна ыалдьыттар истиҥник атаараллар.
Улуус баһылыга Василий Алексеев Мүрүтээҕи уолаттар гимназияларыгар, итиэннэ Г.В. Егоров аатынан Мүрүтээҕи маҥнайгы нүөмэрдээх орто оскуолатыгар сылдьан, выпускниктары эҕэрдэлээтэ.
Быйылгы 2025-2026 үөрэх дьылыгар Мүрүтээҕи уолаттар гимназияларын 18 гимназист бүтэрэн, ситии-хотуу аттестатын ылаары, биир кэлим эксээмэннэригэр утумнаахтык бэлэмнэнэ сылдьаллар. 2 гимназист үөрэх туйгуннара, 13 гимназист 4 — 5 сыанаҕа үөрэнэллэр.
Г.В. Егоров аатынан Мүрү маҥнайгы нүөмэрдээх орто оскуолатын быйыл 34 оҕо бүтэрэр, итиэннэ 79 оҕо 9-с кылааһы түмүктээн, саҥа кэрдиискэ тахсаллар.
Улуус баһылыга Василий Алексеев выпускниктар тапталлаах оскуолаларыттан кынат анньынан, инникигэ эрэллээх олох киэҥ аартыгар эрэллээхтик үктэнэллэригэр истиҥ алгыһын анаата, итиэннэ инники олохторугар үрдүк ситиһиилэри баҕарда.
Улуус дьаһалтатын пресс-сулууспата