Быйыл сайын Кэбээйигэ буолар өрөспүүбүлүкэтээҕи Олоҥхо ыһыаҕар Куокуй нэһилиэгин олохтоохторо бэлэмнэнэ сылдьаллар.
Нэһилиэк дьаһалтата (баһ. Павлов Л.Н.) маассабай кыттыыга сахалыы таҥаһы кэтиллиэхтээх диэн матырыйааллары, фурнитуралары атыыласпыта. Еремеева И.У. салайааччылаах «Надежда» холбоһук иистэнньэҥнэрэ сүбэлэһэн баран, баһылык тылын быһа гыммакка тигэргэ сөбүлэспиттэрэ. Таҥаһы дьаһалта үлэһиттэрэ Петрова И.Г., Ионова С.П. быһаллар. 30 эр киһи сахалыы ырбаахыта, 25 дьахтар былааччыйата тигиллэн бүттэ. Аны биэс былааччыйа уонна этэрбэс тигиллиэхтээх.
Ити курдук кыргыттар үтүө санаанан салайтаран, киэҥ далааһыннаах, дириҥ суолталаах Олоҥхо ыһыаҕар сэмэй кылааттарын киллэрэллэр.
Ираида Софронеева суруйуута, видеоҕа, хаартыскаҕа түһэриитэ.