Официальнай саайтка XI Илиҥҥи экэнэмиичэскэй пуорум толору дьыалабыай бырагыраамата бэчээттэммитэ. ВЭФ-2026 балаҕан ыйын 1-4 күннэригэр Владивостокка Уһук Илиннээҕи федеральнай университет былаһааккатыгар буолар.
Бырагыраамаҕа 70-тан тахса сиэссийэ киллэриллибит. ВЭФ-2026 сүрүн тиэмэтэ: «Уһук Илин — дьон туһугар сайдыы».
РФ Бырабыыталыстыбатын Бэрэссэдээтэлин — РФ Бэрэсидьиэнин Уһук Илиннээҕи ФУо боломуочуйалаах бэрэстэбиитэлэ, ВЭФ тэрийэр кэмитиэтин бэрэссэдээтэлэ Юрий Трутнев 2026 сыллааҕы пуорум, урукку далааһыннаах тэрээһиннэр курдук, инвестиционнай бырайыактары олоххо киллэрии, аан дойдутааҕы бииргэ үлэлээһини бөҕөргөтүү, дьон олоҕун хаачыстыбатын тупсарыы, култуурунай уонна гуманитарнай сибээстэри сайыннарыы эйгэтигэр тирээн турар суолталаах боппуруостары дьүүллэһэр биир бастыҥ былаһаакканан буолуохтааҕын бэлиэтээтэ.
—Илиҥҥи экэнэмиичэскэй пуорумҥа Уһук Илини хаачыстыбалаахтык уларытар быһаарыылар ылыллыбыттара. Урутаан сайдыы территориялара, «Уһук Илиҥҥи гектары» биэрии, чэпчэтиилээх ипотека уо.д. а. саҕаламмыттара. Бу пуорум онтон атын буолуо суоҕа, баар мэхэньиисимнэри барытын олоххо киллэриини дьүүллэһэргэ уонна биһиги дойдубут күүстээх буоларыгар Уһук Илин территорияларын көҕүлээһиҥҥэ саҥа барыйааннары толкуйдуурга, үлэлэтэргэ кыаҕы биэриэ, — диэн этэр Юрий Трутнев.
ВЭФ-2026 бырагыраамата биэс тематическай трекка арахсыбыт: «Жить и работать на Дальнем Востоке», «Механизмы привлечения частных инвестиций», «Дальний Восток – полюс международного взаимодействия», «Технологии настоящего и будущего», «Логистика и инфраструктура для роста экономики».
«Жить и работать на Дальнем Востоке» хайысха чэрчитинэн эрэгийиэн инфраструктуратын сайыннарыы, үөрэх уонна каадыр кыаҕын сайыннарыы боппуруостара уонна да атын тиэмэлэр көрүллүөхтэрэ. Дьүүллэһиигэ РФ Уһук Илини уонна Арктиканы сайыннарыыга миниистирэ Алексей Чекунков, Судаарыстыбаннай Дуума бэрэссэдээтэлин солбуйааччы Ирина Яровая, статс-сэкирэтээр — РФ Оборонаҕа миниистирин солбуйааччы, «Аҕа дойдуну көмүскээччилэр» пуонда бэрэссэдээтэлэ Анна Цивилева, РФ тутууга уонна ОДьКХ миниистирин солбуйааччы Никита Стасишин, национальностар дьыалаларыгар Федеральнай ааҕыныстыба салайааччыта Игорь Баринов уонна былаас органнарын, экспертнэй уопсастыба атын бэрэстэбиитэллэрэ кыттыахтара.
«Механизмы привлечения частных инвестиций» блок сүрүн тиэмэлэринэн Уһук Илиҥҥэ преференциальнай эрэсиимнэри уонна фондовай ырыынагы сайыннарыы, инфраструктура бырайыактарын үбүлээһин уонна сир баайын туһаныы буолуоҕа. Боппуруоһу дьүүллэһиигэ РФ Киин дириэктэрдэрин чэбиэтиен чилиэнэ, бэрэссэдээтэли солбуйааччы Михаил Мамута, Судаарыстыбаннай Дуума үп ырыынагар сис кэмитиэтин бэрэссэдээтэлэ Анатолий Аксаков, РФ үп миниистирин солбуйааччы Алексей Моисеев, балыктааһыҥҥа Федеральнай ааҕыныстыба салайааччыта Илья Шестаков уо.д. а. кыттыыны ылыахтара
«Дальний Восток – полюс международного взаимодействия» трек тэрээһиннэрэ Арассыыйа уонна тас дойдулар икки ардыларыгар экэнэмиичэскэй уонна технологическай хардарыта сибээстээх үлэлээһиҥҥэ сыһыаннаах буолуохтара. Кыттааччылар ортолоругар — РФ Бырабыыталыстыбатын Бэрэссэдээтэлин солбуйааччы Алексей Оверчук, РФ Уһук Илини уонна Арктиканы сайыннарыыга миниистири бастакы солбуйааччы Виталий Алтабаев, «Банк ПСБ» ПАО бэрэссэдээтэлэ Петр Фрадков, Арктика сэбиэтигэр Арассыыйаттан дуоһунастаах, РФ тас сибээстэргэ министиэристибэтин европа кыһалҕаларга департаменын дириэктэрэ Владислав Масленников, Sinopec хампаанньа дириэктэрдэрин сэбиэтин бэрэссэдээтэлэ Хоу Цицзюнь, HX Energy Labs генеральнай дириэктэрэ, Eurasia Industries Group төрүттээччитэ Оливье Линосье уо.д. а.кыттыыны ылыахтара.
«Технология настоящего и будущего» хайысха чэрчитинэн ИИ сайдыытын, производстволары роботизациялааһын, пилота суох систиэмэлэри тэрийии туһунан кэпсэтии барыаҕа. Дьүүллэһии кыттыылаахтарынан РФ айылҕа ресурсаларын уонна экологиятын миниистирэ Александр Козлов, Судаарыстыбаннай Дуума Бэрэссэдээтэлин солбуйааччы Вячеслав Даванков, РФ наукаҕа уонна үрдүк үөрэхтээһиҥҥэ миниистирин солбуйааччы Денис Секиринскэй, Филиппины блокчейн нэдиэлэтин төрүттээччи, Блокчейн-сэбиэтин төрүттээччи вице-бэрэсидьиэнэ Чезка Раумае Гонзалес, Фудань университетын Кытай институтун дириэктэрэ Чжан Вэйвэй буолуохтара.
«Логистика и инфраструктура для роста экономики» блок Хотугу муора суолун, Транссибирдээөи магистралы уонна да атын тырааныспар ситимин сайыннарыыга, порт инфраструктуратын саҥардыыга, таһаҕас таһыытын сайыннарыыга уонна да атын тиэмэлэргэ ананыаҕа. Сиэссийэлэргэ «Росатом» атомнай эниэргийэҕэ судаарыстыбаннай корпорация генеральнай дириэктэрэ Алексей Лихачев, РФ Бэрэсидьиэнин сүбэһитэ уонна тырааныспар эйгэтигэр норуоттар икки ардыларынааҕы бииргэ үлэлээһиҥҥэ судаарыстыба баһылыгын анал бэрэстэбиитэлэ Игорь Левитин, ону тэҥэ РФ тас сибээстэргэ миниистирин солбуйааччы Александр Грушко тыл этиэхтэрэ.
Сиһилии: https://www.sakha.gov.ru/news/60606
СӨ Ил Дарханын уонна СӨ Бырабыыталыстыбатын пресс-сулууспата
Хаартыскаҕа Андрей Сорокин түһэриитэ, ЯСИА