Саха сиригэр муус устар 17 күнүгэр «Работа России. Время возможностей» Бүтүн Арассыыйатааҕы үлэ дьаарбаҥкатын эрэгийиэннээҕи түһүмэҕэ ыытыллыаҕа.
Бүгүҥҥү күҥҥэ 228 үлэ биэрээччи кыттарын бигэргэттэ, кинилэр 3792 үлэ миэстэтигэр 2274 вакансияны сайаапкалаатылар. Нэһилиэнньэ үлэлээх буолууга Судаарыстыбаннай кэмитиэтэ дьаарбаҥка буолуор диэри киһи ахсаана өссө эбиллиэ диэн күүтэр. Ирдэнэр исписэлиистэр ортолоругар — инженер-химик, бэтэринээр, мас таҥастыыр тэрили сытыылааччы, полуфабрикаттары оҥорооччу (формовщик), ыанньыксыт уонна да атыттар бааллар. Испииһэк араас эйгэни хабар уонна мэлдьи эбиллэ турар.
Тэрээһиннэр өрөспүүбүлүкэ бары улуустарыгар ыытыллыахтара. Дьокуускайга сүрүн былаһаакканан «Арассыыйа – мин устуоруйам» устуоруйа паарката буолуоҕа. Дьаарбаҥка чэрчитинэн үлэ биэрээччилэри кытта кэпсэтиилэр, идэҕэ туһаайар тэрээһиннэр, үлэ сулууспатын исписэлиистэрин сүбэлэрэ, үлэ биэрээччилэр уонна үөрэх тэрилтэлэрэ кыттыылаах дьыалабыай былаһааккалар тэриллиэхтэрэ. Ону тэҥэ ыччакка анаммыт маастар-кылаастардаах уонна көхтөөх оонньуулардаах идэлэр бэстибээллэрэ буолуоҕа.
Бүтүн Арассыыйатааҕы үлэ дьаарбаҥката дойду бэрэсидьиэнэ Владимир Путин көҕүлээбит «Каадырдар» национальнай бырайыак чэрчитинэн ыытыллар. Бу тэрээһин дьону үлэнэн хааччыйыыга, тэрилтэлэри каадырынан толорууга уонна үлэ биэрээччи, үлэ көрдөөччү икки ардыларыгар алтыһыыны сайыннарыыга туһаайыллар.
Үлэҕэ киирии уонна судаарыстыбаннай өҥөлөрү ылыы ыйытктарынан өрөспүүбүлүкэ каадыр кииннэригэр эрийиэххэ сөп. Итии лииньийэ төлөпүөнэ: 122 (эбии 7).