Горнай улууһун эдэр учууталлара В.Д. Лонгинов аатынан Атамай агрооскуолатыгар мустан, сыл саамай кэрэ, ураты тэрээһинин — «ПедДвиж 2026» бэлиэтээтилэр!
Бу күн — саҥа санаалар, айар үлэ, бэйэ-бэйэни кытары алтыһыы уонна профессиональнай үүнүү күнэ буолла. Биһиги эдэр учууталларбыт улахан үөрүүнү ыллылар!
Тэрээһин сүрүн түгэнинэн учууталлар икки ардыларыгар интегрированнай аһаҕас уруоктар куонкурустара буолла. Уопсайа 9 үөрэх тэрилтэтиттэн кыттыыны ыллылар.
Күрэс түмүгэр:
«Бастыҥ педагогическай дебют»: Семёнова Ульяна Семёновна уонна Афанасьева Александра Михайловна (А.Н.Осипов аатынан Бэрдьигэстээх оскуолата).
«Уруок, киһини кынаттыыр»: Егоров Семён Артурович уонна Николаев Тимур Иванович (С.П.Данилов аатынан Дьиикимдэ оскуолата).
«Кэскиллээх уруок»: Федорова Полина Николаевна уонна Федорова Юлия Геннадьевна (Л.Е.Лукина аатынан улуустааҕы эбии үөрэхтээһин киинэ).
«Бастыҥ педагогическай дуэт»: Петрова Дарина Егоровна уонна Прохорова Ульяна Васильевна (С.Г.Ковров аатынан Күөрэлээх оскуолата).
«Кыһыл көмүс уруоктар» бастыҥ ааты ыллылар:
«Уруок иитиигэ суолтата»: Хабытчарова Ньургуйаана Алексеевна, Протасова Туйаара Николаевна (С.И.Тарасов аатынан Өрт оскуолата).
«Бастыҥ практическай уруок»: Филиппова Алиса Степановна уонна Колёсова Саргылана Ньургуновна (В.Д.Лонгинов аатынар Атамай оскуолата).
«Уруок айар презентацията»: Давыдова Дайаана Иннокентьевна, Никитина Сахаляна Игоревна (Кировскай оскуолата).
«Методическай хардыы»: Федорова Ульяна Викторовна, Кололезникова Анжелика Арсентьевна (С.П.Данилов аатынан Бэрдьигэстээх оскуолата).
«Бастыҥ интегрированнай уруок»: Рожина Уйгулаана Валерьевна, Жирков Даниил Андрианович (В.В.Филиппов аатынан улуустааҕы гимназия).
Атамай оскуолатын учууталлара маастар-кылаастары ыыттылар, «Герой суолунан» диэн квест-оонньуу тэрилиннэ. Онтон киэһэтин истиҥ кэпсэтии ыытылынна.
Горнай улууһун үөрэҕириитин салайааччылара Атамай оскуолатын кэлэктиибигэр тэрээһини үрдүк таһымнаахтык ыыппыттарыгар барҕа махталларын тиэрдэллэр!
Татьяна Павлова
Хаартыскалар: Татьяна Павлова тиксэриилэрэ