Саха Өрөспүүбүлүкэтигэр сүрүн судаарыстыбаннай эксээмэни (ОГЭ) туттарааччылар уонна кинилэр төрөппүттэрэ эксээмэн матырыйаалларын сканердаммыт куопуйатын көрөллөрүгэр аналлаах саҥа сыыппара өҥөтө үлэлээтэ. Мантан ыла 9-с кылааһы бүтэрээччилэр түмүк баалларын эрэ буолбакка, хоруйдарын уонна суоттарын былааҥкаларын бэйэтин (оригинал) көрөр кыахтаахтар.
Сонун сүүрээн үөрэх уонна билим миниистирэ Нюргуна Соколова сорудаҕынан олоххо киирдэ.
“Биһиги өрөспүүбүлүкэбит тохсус кылаас үөрэнээччилэрин билиилэрин сыаналааһын дьэҥкэ, кырдьыктаах буоларыгар дьоһуннаах хардыыны оҥорор. Сыыппара саҥа өҥөтө 9-с кылааһы бүтэрээччилэр баалларын эрэ буолбакка, эксээмэҥҥэ үлэлэрин көрөллөрүгэр аан маҥнайгытын кыаҕы биэрэр. Билигин хас биирдии бүтэрээччи тус дааннайдарын туһунан бэйэтин тус кэбиниэтигэр киирэр, толороллубут былааҥка хайдаҕын, хоруйун, суотун көрөр кыахтанна. Тустаах өҥөнү дьон сэҥээрэн туһанарыгар эрэллээхпит” – диэн миниистир Нюргуна Соколова бэлиэтээтэ.
Түмүгү уонна үлэни СӨ Үөрэҕин уонна билимин министиэристибэтин Үөрэх хаачыстыбатын кэтээн көрөр киин официальнай иһитиннэрэр порталыгар тус кэбиниэттэригэр көрүөхтэрин: https://sdr.ixora.ru/ диэн министиэристибэ пресс-сулууспата МАХ ханаалга суруйар.