СӨ ИДьМ 2 №-дээх полиция отделын дьуһуурунай чааһыгар успуорт тэрилтэтин бэрэстэбиитэллэрэ өтүүк уонна иистэнэр массыына сүппүтүн туһунан сайабылыанньа суруйан киллэрбиттэр.
Холуобунай ирдэбил үлэһиттэрин суһал-ирдиир үлэлэринэн, бу Үөһээ Бүлүүттэн уонна Намтан төрүттээх 21 саастаах уолаттар буолаллара быһаарыллыбыт.
Быһаарыллыбытынан, уорбаланааччылар түүн успуорт тэрилтэтин аанын луомунан алдьаппыттар. Онно биир хос күлүүһүн алдьатан киирэннэр, өтүүгү уонна иистэнэр массыынаны уорбуттар. Уоруллубут былдьаммыт.
РФ ХК 158 ыст. 2 ч. («Кража») холуобунай дьыала тэриллибит.
СӨ ИДьМ пресс-сулууспата